雄泰

Open Now

Now Closed

粉嶺聯和墟越來越多泰國餐廳，但有時只想食個簡便飯，而唔係想叫泰式小菜食，好難得聯和墟開咗一間似茶記既泰國餐廳，格局有D懷舊，好有泰國小店風味。羅勒葉肉碎蛋飯(豬)  $39有得揀豬肉或雞肉，我就揀咗豬肉，豬肉碎連同羅勒葉及豆角一齊炒，好香、好辣、好惹味，混埋肉汁一齊撈飯食真係勁正。真係好地道既泰式辣味及辣度，如果受唔到咁辣，可以要求少辣或走辣，朋友食走辣，唔辣都依然炒得好惹味！讚一讚隻蛋煎得好好，蛋黃7成熟，半熟半流心咁撈飯食好正。凍泰式奶 ($18) 好香濃、好滑，保留咗泰式奶茶特色，餐飯食得好滿足，亦只係$60 有找，好食得嚟又經濟實惠。