Number Fifteen (Closed)

剛剛係附近上完瑜伽堂，就同朋友去左食野。行開見到一間工廠大廈頂有一間新裝潢的單位，詢問大廈管理處才知開了一間新餐廳，就上去試下。不過，由於最近有工廈火燭，都有點怕怕。但上到去餐廳，卻有一種簡約之感，餐廳內的消防及逃生出路指示都非常清晰。講番主角，由於剛剛做完運動冇咩胃口，店員就推介兩個人食一個ｓｅｔ　ｄｉｎｎｅｒ，我們就選擇了前菜紅菜頭，蝦併香橙柳配香醋檸檬汁。賣相極好，每種食物份量都好多。各種食材的口感同味道均配合得好好，沒有那種食才被覆蓋了其他食材凡味道。湯就選擇了忌廉蘑菇湯。個忌廉蘑菇湯係幾濃下，配埋面包加牛油食，就更有質感。主菜就選擇了牛肉面配玉米蓉。份量看似比較少，可能是牛肉面比較重身，落入了玉米蓉中。牛肉面好ｊｕｉｃｅ，剛剛好熟了又唔韌，蔬菜都幾多，玉米蓉就冇咩味，可能意大利玉米本身係冇咩味啦！甜品就選擇了檸檬牛奶凍。味道就不過不失啦！店員介紹這個牛奶凍係佢地每日新鮮整的，餐廳後有個製餅房，每日都會新鮮整餅同甜品。呢個ＳＥＴ　ＤＩＮＮＥＲ計埋加一，兩個人＄４００，除番一個人都係２００，算便！