德成巷仔 (Closed)

又到happy Saturday，今日朝頭早行過大坑近天后嗰邊諗住搵間早餐食下見到呢間德成茶餐廳有啲年份嘅茶餐廳，諗住可以同朋友喺度吹水，可以傾得耐啲嘅餐廳，一行二人一入到去見到裝修有啲懷舊，好似70年代感覺，我同我朋友諗住坐卡位，等咗一陣更，侍應帶咗我哋去坐卡位，好有復古嘅感覺，我同我朋友每人嗌一個餐我就叫咗個豬扒腸仔米粉，我飲茶走，另外我朋友叫咗個腿蛋治烘底嘅，朋友嗌咗杯熱菜蜜，我叫你豬扒好大塊又厚身，都幾好味，另外我朋友叫個腿蛋治，佢話啲雞蛋好香好好味。