華源茶餐廳

Open Now

Now Closed

望入鋪入面，十個客有九個麻甩佬，真係膽小啲都未必夠膽入去。坐低伙記熱情有禮既態度即刻同成個鋪頭有巨大既反差，真係貴價餐廳都未必有既服務態度。伙記推介葱油系列 ，咁我當然信佢揀左個葱油雞扒蛋飯。碟飯來到當堂有驚喜，塊雞扒大到呢，完全遮住啲飯，外皮脆口，點知入面都鮮嫩多汁，配上葱油的確係好食。隻蛋完美呈現太陽蛋既狀態，將蛋液撈入飯到又多個層次，估唔到小小茶餐廳都咁高質。碟頭飯連凍飲都係50大元，而且只收現金，下次來食一定要記住扲定現金！