Oak Tree Ristorante (Closed)

朋友話好想試佢哋個即場做卡邦尼意粉，上星期我倆就約去食番餐。餐廳位於酒店一樓，裝修不新穎，好似20年前的高級西餐。我哋2人叫咗一個優惠晚餐及卡邦尼意粉，晚餐有2隻生蠔，龍蝦湯，鵝肝，牛柳配意粉，約$240算抵食。生蠔是澳洲貨，算新鮮，不錯。鵝肝的做法及味道都幾好，可惜那鵝肝應只是鴨肝來，食不出鵝肝入口即融的口感。龍蝦湯也算可以，有龍蝦香味亦有少少龍蝦肉碎。主菜牛柳就較失望，肉質較'un '，絕對不是牛柳部位。朋友說意粉是喺客人面前做的，一心興奮等侯。點知餐車推到我倆面前，那個卡邦尼已煮好7成，廚師微微煮熱意粉，把意粉放於大嚿大芝士肉搞一陣就完成。味道其實不錯，汁就比較少所以不太膩。以此價錢食一餐，其實品質也接受到。