周記油渣麵 (Closed)

還記得N年前，屋企樓下有流動小販賣豬油渣麵，好有家的味道。已不知有多少年無食過，聽講深水埗周記的出品也不錯，今日便專程到來一試。食店頗舊式，相信都做了一段時間，空間頗大，檯與檯之間距離寬闊，坐得還算舒服。食店並非只賣豬油渣麵，實際上是一間乜都有得食的茶餐廳。檯上放有蔥花，冬菜及辣菜脯給客人自己落, 咁就可以滿足喜歡走青的食客。豬油渣麵有大碗同細碗，價錢只差$6，難得一試，當然點了大碗。豬油渣份量算多，真的是炸得一點油也沒有，不過偏腍，不是脆口那種。麵身同樣較腍，但唔會一夾就斷。湯本身不鹹，味道剛好，但我落得太多冬菜，而冬菜又用鹽腌著，攪到成碗麵鹹晒，只怪自己太貪心了。