Video
Read full review
2023-11-14
736 views
去新商場Airside朝聖，梗係要搵間靚餐廳食埋晚飯，新餐廳「Relish Kitchen by ALOT」簡約木系風格配白色為主調，千呎環境寬敞，樓底極高，空間感十足。Relish Kitchen聯乘ALOT living傢俬店，由全店嘅室內設計到採用日本實木傢俬，都係由ALOT嗰邊嘅designer主理。近門口位置，擺放咗好多陶瓷碟、藝術擺設，餐廳中間吊咗一個大月球，用上咁多空間嚟放置擺設好慷慨，好多打咭位，有點走進art gallery嘅感覺，同朋友坐低食嘢好舒服。外牆係落地大玻璃，一邊嘆美食一邊可以從新角度望過去東九龍。相信日照時一定充滿陽光感，下次再訪要嚟食午餐。另有露台位置，客人可出去遠眺舊機場景色。一頁紙嘅set menu都幾多款式：沙律、漢堡、意大利粉、risotto、all day breakfast等。已包括餐湯或者沙律，可加配飲品同追加小食，我哋就order咗兩set share食。⊛芝士焗波土頓龍蝦(半隻)配龍蝦汁意大利粉 $188芝士焗龍蝦本身都係絕配，芝士香濃，龍蝦頭多膏。意粉係用龍蝦汁去煮，食到濃郁龍蝦鮮味。意粉軟硬度剛好，裡面有菇同蘆筍，夠晒掛汁。仲要是
近門口位置，擺放咗好多陶瓷碟、藝術擺設，餐廳中間吊咗一個大月球，用上咁多空間嚟放置擺設好慷慨，好多打咭位，有點走進art gallery嘅感覺，同朋友坐低食嘢好舒服。
外牆係落地大玻璃，一邊嘆美食一邊可以從新角度望過去東九龍。相信日照時一定充滿陽光感，下次再訪要嚟食午餐。另有露台位置，客人可出去遠眺舊機場景色。
一頁紙嘅set menu都幾多款式：沙律、漢堡、意大利粉、risotto、all day breakfast等。已包括餐湯或者沙律，可加配飲品同追加小食，我哋就order咗兩set share食。
芝士焗波土頓龍蝦 (半隻) 配龍蝦汁意大利粉
28 views
0 likes
0 comments
芝士焗龍蝦本身都係絕配，芝士香濃，龍蝦頭多膏。意粉係用龍蝦汁去煮，食到濃郁龍蝦鮮味。意粉軟硬度剛好，裡面有菇同蘆筍，夠晒掛汁。仲要是日餐湯咁啱係龍蝦湯，無預計之下夾咗個龍蝦餐出嚟，成件事好龍蝦。
洲黑毛安格斯100天穀飼牛肉眼 (8oz) 伴炒野菜 · 山葵幼滑薯蓉
14 views
0 likes
0 comments
⊛澳洲黑毛安格斯100天穀飼牛肉眼 (8oz) 伴炒野菜 · 山葵幼滑薯蓉 $218
表面微焦香，切開粉嫩多汁，肉眼肉質柔嫩好juice，個sauce係用牛骨熬製嘅燒汁，有骨膠原感覺，稠身濃郁，配上肉眼牛味更特出。薯蓉打得好幼滑，混合wasabi味道有驚喜，惹味令人食唔停。炒野菜有甜椒、粟米仔、車厘茄、洋蔥、西蘭花苗同芋頭脆片。
龍蝦湯
7 views
0 likes
0 comments
⊛龍蝦湯
簡直濃縮咗龍蝦精華，非常濃稠，啖啖海鮮味，加忌廉更順滑，兩大粒脆麵包索湯食一流。
酥炸吉列廣島蠔
7 views
0 likes
0 comments
係跟餐追加小食，麵包糠炸皮金黃酥脆，入口熱辣辣，包住軟嫩廣島蠔，咬開裡面好鮮味juice，沙律菜伴碟都俾得好足，成份沙律份量，夾埋一齊食減低熱氣。
House Highball
6 views
0 likes
0 comments
選用日本Nikka Whisky，加入冰波同氣泡梳打，氣泡衝上嚟暢快入喉，好清爽，相對無負擔容易入口。溝淡咗都無影響威士忌嘅香氣，依然喺口腔裏擴散。
宇治抹茶蛋糕配日本紅豆
31 views
0 likes
0 comments
一入到餐廳已經俾甜品櫃吸引咗，已經決意一定要試吓綠色排裝朱古力造型蛋糕，賣相吸引，打咭先。抹茶mousse外殼，比想像中軟腍，抹茶味好濃郁，裏面包住紅豆mousse做夾心，仲食到一粒粒紅豆，有曲奇餅墊底，味道層次豐富又低甜，好鍾意，必食推介。
焦糖千層酥配馬達加斯加雲尼拿吉士
16 views
0 likes
0 comments
新鮮製作嘅拿破崙係餐廳招牌甜品，帶焦糖香味嘅千層酥皮，脆脆口感，夾著新鮮雲呢拿籽打成嘅吉士醬，配新鮮雜莓酸酸地，口味層次豐富，絕對係得意之作，食晒成件好滿足。
#Relish Kitchen by ALOT地址：九龍城啟德協調道2號AIRSIDE 3樓L316號舖
Post
