Video
Read full review
2011-01-07
24 views
行完街, 睇完戲. 就不如吃埋個飯才回家吧. 係女人街那頭行去火車站. 我決定在路途中找東西食. 行到洗衣街, 就想起了這一間老字號. 小時候同爸媽及姨媽姑姐們到旺角時品嚐的西餐廳. 係今時今日, 充滿懷舊色彩的美而廉餐廳.一入來, 感覺的確像回到小時候, 開開心心去食西餐的樣子. 裝修, 就是停留在那一個世紀. 侍應的裝束, 牛仔褲加上白恤衫, 再打多一條煲呔, 看一看恤衫的口袋, 滿是藍色原子筆的墨痕. 侍應也有一種漫不經心, 你食就食, 唔食就收你minimum charge的態度. 完全是上一代的服務手法. 齋妹要食素, 侍應就這樣答...."食素呀.....咖喱雜菜囉....食得蛋呀, 再加兩隻蛋俾你囉....湯有肉, 你唔飲得就唔好飲啦, 飲茶啦." 咁就落了齋妹的咖喱雜菜蛋飯餐的單. 而我就要了一份鐵板雞扒餐.先來湯同麵包, 再加上齋妹的飲料. 麵包, 比較失望的, 麵包只是一片片的方包. 食食下, 齋妹放棄, 因為涂上的, 是蒜蓉牛油. 蒜蓉包, 她不能食. 檸茶就是一般西餐廳既西茶. 同港式有少許分別. 不過都幾好飲. 湯, 是傳統的羅宋湯. 未加胡椒粉,
一入來, 感覺的確像回到小時候, 開開心心去食西餐的樣子. 裝修, 就是停留在那一個世紀. 侍應的裝束, 牛仔褲加上白恤衫, 再打多一條煲呔, 看一看恤衫的口袋, 滿是藍色原子筆的墨痕. 侍應也有一種漫不經心, 你食就食, 唔食就收你minimum charge的態度. 完全是上一代的服務手法.
齋妹要食素, 侍應就這樣答...."食素呀.....咖喱雜菜囉....食得蛋呀, 再加兩隻蛋俾你囉....湯有肉, 你唔飲得就唔好飲啦, 飲茶啦." 咁就落了齋妹的咖喱雜菜蛋飯餐的單. 而我就要了一份鐵板雞扒餐.
先來湯同麵包, 再加上齋妹的飲料. 麵包, 比較失望的, 麵包只是一片片的方包. 食食下, 齋妹放棄, 因為涂上的, 是蒜蓉牛油. 蒜蓉包, 她不能食. 檸茶就是一般西餐廳既西茶. 同港式有少許分別. 不過都幾好飲.
湯, 是傳統的羅宋湯. 未加胡椒粉, 已飲得出有辣香. 內裡的料子也是很多的. 雜菜夠多. 湯夠大碗. 一看就給人一個感覺, 就是抵食.
咖喱雜菜蛋飯, 份量大, 大到咖喱汁都瀉哂出黎. 味道帶點辣勁, 可是說不上是香口. 始終是中式咖喱的原固, 吃慣印巴咖喱的我們, 反而對港式咖喱有少少不歡既感覺. 尚可的, 夠辣勁的, 食完, 齋妹慶恰恰.....
鐵板雞扒餐, 首先, 落洋蔥汁時, 沒有"saaa"一聲. 應該是塊扒太巨形吧. 成塊扒, 鋪滿了整個鐵板, 雞扒底下的薯菜, 完全看不見. 雞扒, 腍是腍, 不過一吃就知道, 這是港式的做法, 梳打粉不能少的做法. 好讓那雞肉鬆馳. 而薯條, 是舊式的波浪形薯條. 而那洋蔥汁, 杰杰的, 味道較為普通.
這一餐, 說不上是美而廉. 價錢, 普通茶記價錢. 廉就廉在, 碟頭夠大. 而美.....一早已變成舊.
Post
