皇發粥品 (Closed)

近年興集體回憶，舊區重建、人口老化、連鎖店興起，N個理由令以前梗有一間喺左近嘅傳統粥店買少見少。所謂禮失求諸野，要食好嘢唯有走嚟荃灣福來邨皇發。舖面大大張紙寫明「本店一律不用味精調味」😄，今時今日，人人標榜健康飲食，老闆真係識宣傳。        舖面幾十年如一日，圓枱圓櫈，熱氣騰騰，無論粥檔同小食檔都係油𥹉𥹉，雜亂無章，炒麵炒河蘿蔔糕腸粉瓣瓣齊，但放到凍晒😔過咗早餐繁忙時間，只有一枱堂食，我叫咗碗碎牛粥跟牛脷酥，食完真係無口乾，肯定老細無落「師傅」，牛脷酥微暖脆口，尚算鬆化，街坊生意，平淡中見真味。