VeggieSF (Closed)

本來朋友想去樓上食日本菜，點知一開𨋢門見到無人就縮沙，搭番落樓下比較爆場既VeggieSF。入到去真係被懷舊美式風情吸引住，𨋢口放滿懷舊既飾物擺設，忍唔住停步睇下，甘岩坐係窗邊，窗台放滿懷舊既化妝品、風筒，等我可以仔細觀賞。咪睇餐廳環境懷舊，其實佢係食緊新派西式素菜，一樣有「漢堡包」、「刺身」食，當然係用素菜做啦！隊長同朋友叫左個「魚柳包」同印尼沙律gado gado，先講個「魚柳包」，賣相同真既漢堡包一樣，又係有薯角、生菜伴碟，塊「魚柳」其實係類似炸麵根，食起上黎口感其實真係幾似食緊魚肉，味道就有點似泰式魚餅，都幾得意。至於個Gado gado就幾surprise，因為大堆頭，而且仲有2隻「炸蝦」，其實係炸腐皮卷，蝦尾就用麵條繞實，外表真係好似炸蝦，略嫌椰漿飯既椰漿，同沙律菜上既花生醬唔夠香。加$58可以跟餐，有湯同飲品，其實都抵，因為如果飲熱茶，茶包係用yogi，有機茶包，「cc縮趴」都講緊賣$50/盒。