生發魚蛋粉

Open Now

Now Closed

聽人講生發嘅魚蛋同豬扒最好味，一食果然名不虛傳。豬扒炒米米粉夠幼身，似係用新加坡米粉。多洋蔥多韭菜，豬扒新鮮唔硬夠淋又juicy大大塊，真係非常好味。魚蛋魚片手打魚蛋魚片夠晒彈牙，清湯上加蔥加炸蒜，惹口好味，食到撐住個肚走啊豬扒煎蛋飯茶餐廳麻甩碟頭飯，有黑椒汁洋蔥汁同豉油汁揀。我就揀咗最麻甩嘅豉油汁。煎蛋熟度恰當，豉油撈飯加蛋汁更錦上添花，食到平民嘅幸福。嗰塊豬扒梗係有得讚冇得彈啦。小插曲係我竟然唔記得帶紙巾，幾驚問阿姐攞要收錢，點知阿姐俾咗一搭紙巾我，真係心都甜埋。