中環茶記 (Closed)

中環呢間茶餐廳嚟食過一次就愛上了！成為我中環bookmark 茶餐廳嘅第一位！環境舒適，裝修設計極具六七十年代香港風情，都幾打卡able呀！皇牌焗豬扒飯厚厚嘅豬扒啖啖肉，即使焗完仍juicy!蕃茄醬汁加了芝士，非常香口惹味！酸甜之間最得平衡，很開胃呢！聞說呢度嘅咖哩以十多款印度香料及純椰漿熬製，好出名呢！的確好出色呀！上檯時已聞到香噴噴嘅咖哩味！但食落唔係好辣。呢碟咖喱吉列豬扒，可揀配蔥油餅/飯喔！吉列豬扒非常出色，做列外脆內軟嘅效果！豬扒又大又厚，令人非常滿足呢！勁香口惹味嘅椒鹽鮮魷，愈食愈上癮！鮮魷大大件，咬落很爽口！外層薄薄嘅炸粉很香脆呢！推介中意食香口嘢嘅朋友仔必試呀！欖角金沙骨都係呢度嘅大廚推介之作！金沙骨面頭嘅欖角非常香，欖味濃郁！而且金沙骨唔會骨多過肉，超正呀！懷舊雪兔以雜果賓治為底，非常多水果粒呢！面層嘅紫藍色係由蝶豆花整成，塑造了漸變效果，超迷人呢！紅豆冰搽用日本十勝紅豆，飲落富奶香，而且紅豆綿密，非常好味！