Schnee German Restaurant (Closed)

記得上次食純正德國菜已是去年10月嘅德國啤酒節……德國大肉腸、德國啤、德國咸豬手、德國麵團，今日讓我再遇上，欠的就衹有穿德國女僕服嘅啤酒女郎而矣！筲箕灣東大街一向臥虎藏龍，中西日韓各國菜式紛陳，逐間試勻恐怕要排到月底！今晚為咗要重溫德國夢……夢想又到啤酒節……就揀咗呢度……德國大肉腸真係冇得輸一一脆皮的、芝芯的、厚肉的……一碟已經有齊曬，梗係，拼盤喎！招牌喎！講起招牌，冇理由唔叫咸豬手，上碟時侍應細心地先讓我拍照，再幫手切開幾大舊，肉質呈粉紅狀，一絲一絲有嚼勁……枱頭嘅芥辣、酸醬齊備，喜歡點就點，唔點亦一樣好味！驚喜嘅還有德國麵團，又名"德國麵疙瘩", 德語為 Spatz，意為小鳥雀，是德國飲食中常見的一種雞蛋麵，常作為主食。查實喺歐洲，如奧地利、瑞士、匈牙利等都會見到佢架！新鮮焗起嘅麵團滲滿芝士香，面層焗至微焦，起一粒粒，QQ的又彈牙，食佢好過食飯，我話嘅！