尚香 (Closed)

假日到旺角行街，行行下見肚餓又未到晚飯時間，不如去掃街食少少野，好耐冇行登打士同廣華果頭，原來多左唔少新店，見到呢間門店寫著舌尖上的中國-尚香，上網一看原來在國內甚有名氣的小店，售賣蟹黃湯包等食物，好吸引呀。 除左蟹黃湯包，仲有小籠包及糯米燒賣，即蒸即賣的，要耐心等待約5分鐘。 自行落醋、薑絲及拎竹籤。 蟹黃湯包，$45，賣相好吸引呀。 湯包用紙盒盛載，用飲管邊吃邊飲，好方便呀，湯包外皮夠薄又煙韌，熱騰騰的湯汁，蟹味十足夠鮮甜，內裡的餡料真係有蟹膏及鮮肉，好味呀。