Video
Read full review
2020-11-08
82 views
今次，我決定揼低老公，同個朋友去大埔墟搵好嘢食。🙈🙈🙈好多人都話去到大埔墟一定要去食豬扒麵、雞批、生煎飽、鍋貼、豆腐花等等。😋😋😋今次我哋決定改一改，就四圍行，睇吓附近有乜美食，我哋行到懷仁街，見到一間超簡約，門口放口餐牌嘅餐廳，我哋睇完餐牌，再望入去見到好似酒窖咁，我哋就決定入去試一試，扮吓上等人咁啦！😆😆😆@DIONYSUS地址：大埔懷仁街43號泰和樓地舖餐廳分兩層，地下就有幾張枱，但當日我哋用餐就上咗樓上，上到去見到兩張好靚嘅枱，好有歐洲城堡風，跟住我哋行咗入入面就坐低咗，我哋對住吧枱，所有飲品同特色飲品，我哋可以睇到佢哋調制。👍👍唔講咁多，都係入返正題，講返食品先。😋😋😋華道夫沙律🥗🥗🥗係以蘋果同沙律菜為主，配上少少提子乾，真係好好味。周打蜆湯🥣🥣🥣我以為好似外面餐廳咁係白色同埋會好糊，但佢又唔係喎，少少微黃，又唔會好糊口，好濃郁蜆嘅味道，真係好鮮甜。哈哈，可惜少咗少少。😝😝😝香煎西班牙豬柳配牛肝菌忌廉汁拌法式薯蓉🐷🐷🐷上枱嘅時候，我見到豬扒好似好乾身，點知，食落完全兩回事，好爽口，仲超多肉汁，配埋牛肝菌忌廉汁真係好好味，薯蓉好香牛油味同好滑，連我平時唔鐘意食薯蓉嘅人都食咗一大
好多人都話去到大埔墟一定要去食豬扒麵、雞批、生煎飽、鍋貼、豆腐花等等。😋😋😋
今次我哋決定改一改，就四圍行，睇吓附近有乜美食，我哋行到懷仁街，見到一間超簡約，門口放口餐牌嘅餐廳，我哋睇完餐牌，再望入去見到好似酒窖咁，我哋就決定入去試一試，扮吓上等人咁啦！😆😆😆
@DIONYSUS
地址：大埔懷仁街43號泰和樓地舖
餐廳分兩層，地下就有幾張枱，但當日我哋用餐就上咗樓上，上到去見到兩張好靚嘅枱，好有歐洲城堡風，跟住我哋行咗入入面就坐低咗，我哋對住吧枱，所有飲品同特色飲品，我哋可以睇到佢哋調制。👍👍
唔講咁多，都係入返正題，講返食品先。😋😋😋
華道夫沙律🥗🥗🥗
係以蘋果同沙律菜為主，配上少少提子乾，真係好好味。
周打蜆湯🥣🥣🥣
我以為好似外面餐廳咁係白色同埋會好糊，但佢又唔係喎，少少微黃，又唔會好糊口，好濃郁蜆嘅味道，真係好鮮甜。哈哈，可惜少咗少少。😝😝😝
香煎西班牙豬柳配牛肝菌忌廉汁拌法式薯蓉🐷🐷🐷
上枱嘅時候，我見到豬扒好似好乾身，點知，食落完全兩回事，好爽口，仲超多肉汁，配埋牛肝菌忌廉汁真係好好味，薯蓉好香牛油味同好滑，連我平時唔鐘意食薯蓉嘅人都食咗一大半，就知有幾咁好食啦！😚😚😚
慢烤香草紐西蘭羊西冷配紅酒汁拌焗薯 🐑🐑🐑（7成熟）
牛西冷就成日食，羊架就見得多，我呢個大鄉里，我都係第一次見羊西冷，而我本身係唔食羊，所以我未見過真係唔出其，但上枱，唔比我知，就咁睇我真係唔知係羊以為佢係牛，今次我真係豁出去，試咗一塊，開頭入口，我真係以為係食緊牛，好淋，好滑，咬咗兩、三吓就羊味出晒嚟，因為西冷上面有少少羊嘅脂肪，鐘意食羊嘅朋友真係一定要試吓。😃😃😃
石板街🍰🍰🍰
我見到嘅時候，就諗會唔會好甜呢？因為上面有棉花糖，下面又係朱古力蛋糕，點知食落又唔會好甜喎，可能係朱古力蛋糕有甜中帶有少少苦，加埋棉花糖，真係啱啱好。👌👌👌
飲品🥂🥤🧉
菠蘿汁、凍檸茶 呢兩杯我就唔講啦！不過不失。反而我想提一提嘅係當時我見到餐廳經理係度教員工調制新特飲，我忍唔住問，我哋可唔可以做第一個客人品嚐呢？經理好好，真係比我地做第一位客人。
Rose Garden🍹
用新鮮荔枝、藍梅、7喜調配而成，最後加上玫瑰花，真係好少女feel，好好味。👸👸👸
經理話未諗到叫乜名🍹
青平果、檸檬汁、接骨木花、7喜調配而成，最後加上少少檸檬皮碎，真係好清新，呢杯我鐘意。😋😋😋
大家嚟緊去到，記得叫嚟飲下啦！🥰🥰🥰
Post
