Video
Read full review
2020-12-04
31 views
<<Thursday Couple 為食記👣😋>> 上回講到我哋嚟到旺角行街，咁順便呢就搵咗間Cafe，諗住兩個人舒舒服服咁樣食個dinner 啦! 之後喺openrice 見到有好多人推薦呢間Cafe，所以我哋就嚟咗啦。🥳地方都唔難搵嘅，不過呢就係樓上鋪，所以呢就要去到登打士廣場嗰度上樓先會搵到間Cafe。裏面嘅空間真係好寬敞，勁適合兩個人一齊撐枱腳，佢用嘅色調啦係Tiffany Blue，所以好有少女咁，好啱打卡影相，而且佢仲有個大梳化俾你坐。好舒服男朋友直情話坐低好想瞓覺添🤣🤣🤣🤦🏻♀️佢嘅環境都有小小裝飾，都幾靚，仲有啲大嘅畫作啦同埋啲小裝飾，令到成個格調都有返Cafe嘅感覺，不過佢可能開左比較耐啦，所以餐廳有啲枱櫈，沙發都有啲殘舊，但仍然係舒服嘅！之後見到佢有個二人餐，有兩個主食一個小食，兩杯飲品，兩個甜品，都係三百幾蚊，正！首先要咗個小食，係蜜糖芥茉醬雞翼，佢焗得好熟熟，同埋好入味，配撘幾好，所以我哋覺得幾驚喜，而且好濃味，好有BBQ嘅感覺，呢個真係好推介！又會太熱氣！主食就穩穩陣陣，叫卡邦尼意粉，一直食落口，已經食到好香好趣嘅煙肉粒，好有口
上回講到我哋嚟到旺角行街，咁順便呢就搵咗間Cafe，諗住兩個人舒舒服服咁樣食個dinner 啦! 之後喺openrice 見到有好多人推薦呢間Cafe，所以我哋就嚟咗啦。🥳
地方都唔難搵嘅，不過呢就係樓上鋪，所以呢就要去到登打士廣場嗰度上樓先會搵到間Cafe。
裏面嘅空間真係好寬敞，勁適合兩個人一齊撐枱腳，佢用嘅色調啦係Tiffany Blue，所以好有少女咁，好啱打卡影相，而且佢仲有個大梳化俾你坐。好舒服男朋友直情話坐低好想瞓覺添🤣🤣🤣🤦🏻♀️
佢嘅環境都有小小裝飾，都幾靚，仲有啲大嘅畫作啦同埋啲小裝飾，令到成個格調都有返Cafe嘅感覺，不過佢可能開左比較耐啦，所以餐廳有啲枱櫈，沙發都有啲殘舊，但仍然係舒服嘅！
之後見到佢有個二人餐，有兩個主食一個小食，兩杯飲品，兩個甜品，都係三百幾蚊，正！
首先要咗個小食，係蜜糖芥茉醬雞翼，佢焗得好熟熟，同埋好入味，配撘幾好，所以我哋覺得幾驚喜，而且好濃味，好有BBQ嘅感覺，呢個真係好推介！又會太熱氣！
主食就穩穩陣陣，叫卡邦尼意粉，一直食落口，已經食到好香好趣嘅煙肉粒，好有口感，帶起成個意粉嘅香味，再加上佢個白汁煮得唔係好滯，所以我哋都成個食晒！ 讚！🤟🏼
之後就叫咗個炸魚柳咖喱飯，咖喱係日式咖喱，偏甜，冇乜香料味，唔會太結，仲有啲薯仔同紅蘿蔔做配菜，而佢嘅魚柳都炸得好香脆，裏面啲魚肉冇乜腥味，亦都冇乜雪藏味！ 😉
除咗嘢食就仲有嘢飲，佢嘅特飲種類都好多，我見佢主打都係啲朱古力特飲，佢仲有一個SpeXial Drink嘅Menu，係分咗唔同嘅月份，我見嗰個幾吸引，所以加小小錢，就每人叫咗杯。我就叫咗杯以朱古力為主打嘅，男朋友就叫咗杯芒果為主打嘅，兩杯都味道唔錯，同埋好濃郁，建議可以試吓佢嘅朱古力特飲，因為佢都做得好濃厚，但係又唔會太甜🥰🤩
最後我哋就叫咗兩個甜品，但係佢嗰日冇燉蛋，所以我哋就揀咗Cheese cake，個cake 同外面買嘅差唔多一般般，不過不失！下次嚟睇吓可唔可以試到佢個燉蛋啦！😎🥲
不過佢真係幾飽肚，兩個人想舒舒服服，都可以嚟呢度撐枱腳！🤩
Post