鳴 Fusion (Closed)

去左尖沙咀行街，突然朋友話想食放題，一搵之下最近呢間就嚟試下。入到去，人客吾算多，可能因為要上樓嘅關係吧，但我本人覺得人少反而食物同服務會更用心！刺身三文魚好新鮮，切嘅厚度適中，吾會太厚或太薄，食吾到有雪味，都幾新鮮，吾錯，另外甜蝦都幾好食，較大條少少同肉質都食得出新鮮。另外壽司有幾款都好好食，花之戀同蜜桃花之戀都吾錯，有好多醬，好味道，同埋本人覺得燒鰻魚同帶子壽司都好好食！其他好食嘅，要試鮮茄煙肉串，好好食，茄好多汁，而多面嘅煙肉燒得好熱好脆，好味道。仲有燒茄子都吾錯，加左蒜等調味，好惹味。整體都好好食，服務都好好，價錢都好合理，傾下計食下野都幾好。