阿爺燒鵝餐室

Open Now

Now Closed

今日係大圍搵早餐食，又唔係約左人，都係離不開茶記，快餐店之類。不過，近火車站既茶記都好多人，要搭枱，又好有壓迫感，坐耐d都唔好意思，想悠閒嘆個早餐都唔得。思前想後，都係行遠少少，稍為遠離火車站，搵左阿爺燒鵝，距離火車站都係5-8分鐘路程，可以接受。早餐好多選擇，由A到G，每款都係$35，唔貴。雖然開宗名義「阿爺燒餓」，但早餐冇燒餓揀，唯有求其揀個A餐「金鐘罩义燒」麯配双蛋多士。义燒比較瘦，肥少少會好食好多，双蛋太陽蛋，賣相好吸引，兩隻蛋都好完整，煮得啱啱好，味道亦不錯，多士可以接受，奶茶就冇驚喜，同其他茶記分別不大。最緊要坐得舒服，冷氣夠凍，又唔駛同人逼，一個人坐哂個卡位，冇人趕你走或俾眼神你睇，可以慢條斯理嘆個早餐，正！