Bayside Brasserie (Closed)

終於都完成工作，周末又難得放早，二人到赤柱遊一遊來到先發現原來我地自台灣之後，都好耐無見過太陽﹗次次只係夜晚去食飯，終於可以同陽光打下交道﹗頂唔順，趁未多人我地揀左呢度食飯，Bayside﹗由於早來的關係有窗口位呢﹗可以望到海同埋大街的遊人﹗十分好﹗熱屎辣辣叫左杯White Sangria，原來要加Brandy的﹗怪不得之前自己較的時候唔多夠味﹗唔想諗，點左個$288的二人餐﹗頭盤係什麼港式拼盤，原來係三件野，包括雞串燒、咖哩角及紙米卷﹗要讚既係紙米卷，個皮真係好煙韌好香，點0的醋來食好好味﹗其餘兩樣普通﹗另外一個頭盤係煙三文魚沙律﹗三文魚好新鮮，配上0個0的芝士粒粒，入口好香濃，好鬼鍾意食。主菜來喇，食家的燒鱸魚，餓魚已久既佢話都幾好食，不過個汁鹹左少少﹗我的就是烤肉眼牛扒，好厚好腍，一上枱已經烤香撲鼻﹗最鍾意就係佢個汁，酸酸甜甜的好醒神，同食家都覺得好味道﹗甜品係Tiramisu﹗一個就唔知草莓芝士餅，對甜品一向油麻地唔識品評，總之食哂﹗由天光坐到天黑，埋單$500有找，都幾好食，坐得舒服﹗值得推介﹗就係呢間喇﹗記住佢﹗巴士站一行落去斜路就見到了﹗更多相更多相http://hk.m