Olive ERA (Closed)

收工陪媽咪行下黃大仙，順便睇下有無好地方可以覓食行行下我地去左現崇山商場，竟然俾我發現到商場地下有間西餐廳，即刻入去試試。餐廳入面都闊絡，放到好多枱，而且餐廳設有室外餐枱，喺黃大仙區呢個人多既旺區入面都有咁寧靜既餐廳，真係有種遠離塵囂既感覺！餐牌都叫多食物選擇啵今次叫左「龍蝦濃湯」「野菌忌廉湯」「香辣雞翼配蜜糖蛋黃醬」「西班牙海鮮飯」同「海胆意大利麵」頭盤有麵包🥯同「香辣雞翼配蜜糖蛋黃醬」好快就上菜喇，雞翼都整得唔錯，唔會有雪味，醬就偏甜既，整體都幾好「野菌忌廉湯」既野菌味好突出呀，真係好新鮮，個湯都有驚喜「龍蝦濃湯」味道都好濃郁，而且中間有埋蝦肉，真係好好味呀「西班牙海鮮飯」飯身夠口感，而且海鮮夠足料，青口夠大隻，抵食呀「海膽扁意粉配椰香海鮮濃汁」既椰香配合海膽膽同海鮮汁，真係好夾整體好唔錯既，值得一提既係待應反應好快，見我地就飲完水，秒速幫我地refill，又好貼心咁主動裝熱水俾媽咪，好抵讚呀！