Coffee Talks (Closed)

今日約左好耐無見既舊同事食午餐，我地係Coffee Talks邊食邊吹左好耐水。燒烤汁豬仔脾鮮果沙律豬仔脾肉質有咬口之餘夠腍，燒烤汁好惹味。沙律除咗有沙律菜，水果亦有唔同種類，食落好fresh，岩晒想食涼野既舊同事。XO醬香辣蒜片海鮮意粉唔會好辣，海鮮有蜆、魷魚圈、帶子、蝦，幾足料。抹茶紅豆窩夫窩夫即整架，所以好香脆，本身唔甜，配埋甜甜既紅豆同抹茶雪糕一齊食就岩岩好。凍維也納咖啡上面一層甜忌廉，下層係咖啡，有啲似芝士奶蓋茶既咖啡版，唔錯。熱黑咖啡跟餐免費。