Video
Read full review
2022-10-02
237 views
日頭過咗九龍灣做嘢，夜晚就順便去Mega Box行吓同食晚餐🍽。雖然位置偏僻，但商場其實有好多餐廳，而我哋就幫襯咗位於5樓嘅「Solé」，因為見網上評價唔差。餐廳環境非常舒服，裝修好靚，帶點浪漫情調💕。再者，雖然係食法國菜，不體整體氛圍輕鬆，而且店員親切有禮，外在條件完全能令客人好好享受呢一餐。我哋嗌咗Executive Set Dinner for Two($698)👫，菜式內容相當豐富，並可自由選擇菜式。前菜八選四，主菜四款二，無諗過喺一餐入面可以試到咁多款嘢食。落單無耐，店員先為我哋送上開胃菜(未必每晚一樣)，紅橙兩色嘅西班牙蕃茄好耀眼🍅，建議食法係吱少少檸檬汁同沾橄欖油黑醋食。蕃茄酸得嚟好平衡，食完醒神，為晚餐展開序幕。薄切帶子，前菜由淡味食到濃味，帶子刺身即使係薄切，但都食得出好鮮甜🤤，再加埋黑魚子，鮮上加鮮。巴約納煙火腿，🥓煙火腿大大片，火腿略帶煙燻香氣，肉味濃度剛剛好，易入口，如果配埋蜜瓜食就正啦。薄切呑拿，🐟呑拿魚刺身片外圍經過炙燒，將油份迫咗出嚟，所以滲出魚油香，沾少少沙律醬食好味道。鴨肝球，店員高度推介呢款前菜，🥜花生醬連堅果粒作為外層，包裹住濃郁鴨肝醬，口感軟滑，
日頭過咗九龍灣做嘢，夜晚就順便去Mega Box行吓同食晚餐🍽。雖然位置偏僻，但商場其實有好多餐廳，而我哋就幫襯咗位於5樓嘅「Solé」，因為見網上評價唔差。
餐廳環境非常舒服，裝修好靚，帶點浪漫情調💕。再者，雖然係食法國菜，不體整體氛圍輕鬆，而且店員親切有禮，外在條件完全能令客人好好享受呢一餐。
我哋嗌咗Executive Set Dinner for Two($698)👫，菜式內容相當豐富，並可自由選擇菜式。前菜八選四，主菜四款二，無諗過喺一餐入面可以試到咁多款嘢食。
落單無耐，店員先為我哋送上開胃菜(未必每晚一樣)，紅橙兩色嘅西班牙蕃茄好耀眼🍅，建議食法係吱少少檸檬汁同沾橄欖油黑醋食。蕃茄酸得嚟好平衡，食完醒神，為晚餐展開序幕。
薄切帶子，前菜由淡味食到濃味，帶子刺身即使係薄切，但都食得出好鮮甜🤤，再加埋黑魚子，鮮上加鮮。
巴約納煙火腿，🥓煙火腿大大片，火腿略帶煙燻香氣，肉味濃度剛剛好，易入口，如果配埋蜜瓜食就正啦。
薄切呑拿
19 views
0 likes
0 comments
鴨肝球
13 views
0 likes
0 comments
食完前菜之後就送來餐包，🥖麵包看似硬邦邦，但意外地鬆軟，唔知有冇得任食呢。
經典法式洋蔥湯，🧅洋蔥湯口味正宗，湯品入面有一塊附芝士嘅法包，而洋蔥絲就煲到淋晒。
南瓜甘筍湯
16 views
0 likes
0 comments
傳統法式卡酥萊
9 views
0 likes
0 comments
卡酥萊賣相吸引，餐牌寫用上五花肉🐷，實際上唔係一般白豬腩片，而係呈粉紅色嘅煙燻豬腩，所以自身已帶鹹香，但又唔會太肥膩。另外三條豬肉腸都OK，皮脆之餘，並帶香草味。最後作為伴菜嘅雜菇🍄同白腰豆🫘更係精華所在，佢哋索盡惹味醬汁。紅腰頭食得多，但白腰豆都係第一次，佢哋大大粒，炆到好淋，食落都飽肚，可當正餐。不過個汁咁正，亦想配白飯食。
卡酥萊伴田園沙律🥗，呢個味道就正正常常啦，勝在大大碟。
油封烤鴨配法式雜菜薯角伴香橙醬
6 views
0 likes
0 comments
伴菜方面亦具法式風味，鴨腿底部墊咗普羅旺斯燉菜Ratatouille，即係用橄欖油煮香嘅蔬菜粒，例如蕃茄、茄子、翠玉瓜同三色椒等🥒🍆，味道幾清新，並唔係四周圍有得食。
焦糖燉蛋($68)，最後食埋甜品就完滿了😆。燉蛋蛋香濃郁🥚，造型亦都靚靚，但略嫌甜咗啲。本身想食巴克斯芝士蛋糕，可惜賣晒。
總括嚟講，呢餐法國菜好高質🇫🇷，雖然我唔識評價有幾正宗，但佢並唔係普通西餐食物，有唔少菜式嘅起源地真係來自法國，就好似卡酥萊，絕對值得一試！食完呢餐後，我就明白點解餐廳位置偏遠，平日晚上都依然滿場👏。
Post
