Video
Read full review
2021-10-09
250 views
天氣突然轉涼，所以就有啲想去打邊爐，去開荃灣就梗係去出名嘅大鴻輝搵食啦，入到去見到升降機條人龍有啲長，所以就搭電梯去睇下有冇適合嘅餐廳，上到三樓見到有一間打邊爐，價錢都唔錯，所以就去咗呢間食啦！見到有唔同價位選擇，本身見到大閘蟹任食好吸引，不過我怕自己會食唔多，所以都係打返邊爐就算，揀咗中間價位嘅B套餐食，本身套餐包埋一個雞煲，店員問我食唔食，但我為咗想食多啲牛，所以就冇選擇到食雞煲啦！湯底呢就揀咗壽喜燒湯底，揀完就可以開始埋位，見佢成層都係屬於餐廳；座位都好闊落，兩個人食都可以坐四人枱，而且仲可以望到條街景添，揀嘢食就係用QR code落單所以都幾方便，項目嘅顏色建議可以變一變，因為有陣時幾難睇得清楚，佢入面都有唔同嘅食物有海鮮有餃子，有肉類，同埋出面都有自助區有唔同嘅炸物，甜品，沙律等，見到都好吸引，不過梗係要預留番個肚仔食高級嘅牛肉啦，去到雪櫃見到有唔同嘅飲品，見到佢會有一個雪櫃專雪住啲杯，等杯啤酒更加凍，真係好有心思，不過自己唔飲酒，就唯有飲下菊花茶啦！朋友今日唔係好舒服，見到有暖笠笠嘅嘢飲都覺得好舒服！佢哋話做緊個優惠，可以喺佢哋嘅四大優惠入面揀兩個，不過由於自己唔食魚又唔飲
見到有唔同價位選擇，本身見到大閘蟹任食好吸引，不過我怕自己會食唔多，所以都係打返邊爐就算，揀咗中間價位嘅B套餐食，本身套餐包埋一個雞煲，店員問我食唔食，但我為咗想食多啲牛，所以就冇選擇到食雞煲啦！湯底呢就揀咗壽喜燒湯底，揀完就可以開始埋位，見佢成層都係屬於餐廳；座位都好闊落，兩個人食都可以坐四人枱，而且仲可以望到條街景添，揀嘢食就係用QR code落單所以都幾方便，項目嘅顏色建議可以變一變，因為有陣時幾難睇得清楚，佢入面都有唔同嘅食物有海鮮有餃子，有肉類，同埋出面都有自助區有唔同嘅炸物，甜品，沙律等，見到都好吸引，不過梗係要預留番個肚仔食高級嘅牛肉啦，去到雪櫃見到有唔同嘅飲品，見到佢會有一個雪櫃專雪住啲杯，等杯啤酒更加凍，真係好有心思，不過自己唔飲酒，就唯有飲下菊花茶啦！朋友今日唔係好舒服，見到有暖笠笠嘅嘢飲都覺得好舒服！
佢哋話做緊個優惠，可以喺佢哋嘅四大優惠入面揀兩個，不過由於自己唔食魚又唔飲啤酒，所以就選擇咗點心拼盤同埋任食封門柳。點心好多樣化，我最鍾意就係佢嘅蝦餃，皮薄得嚟入面都食到蝦嘅爽口，蒸紅棗糕都好夠熱，望一望佢哋餐牌先知原來佢哋午市有做蒸點心同蒸飯。喺出面拎咗啲響鈴嚟食，非常之大舊之餘亦都好脆口。
落咗單大概五至十分鐘就已經送菜，叫咗三款牛肉，有封門柳，牛板腱同埋安格斯牛肉同極上黑豚肉，質素都好好，有肉味得嚟，亦都唔會有雪味，而且唔會有太多嘅脂肪，厚薄都好適中，大概滾幾下就已經OK。最令我驚喜係佢嘅海鮮，雖然選擇唔多，只有生蠔，沙白蜆同埋墨魚滑，但係三樣水準都好高，最令我驚喜係沙白蜆，冇沙得嚟全部都係勁大粒，仲要冇死蜆，自己都嗌咗九碟嚟食！
朋友最鍾意食澱粉質，揀咗個韓國嘅辣麵嚟食， 佢話最驚喜係壽喜燒嘅湯底同辣麵竟然好夾！佢話從此以後愛上壽喜燒湯底！
食到八成飽就可以留肚食甜品，佢哋甜品都好多元化，雪糕都有幾款我自己就食雪糕機出嚟嘅草莓同蜜糖牛奶味雪糕，仲可以自己加唔同配料，佢哋仲有杯裝雪糕同埋筒裝雪糕，我朋友就揀咗佢哋嘅啫喱食，本身見到有自製涼粉區，不過我食唔落，所以都係食雪糕就算啦！食完啱啱好兩個鐘，同朋友又可以食住火鍋傾到計，唔會太趕住走，覺得很唔錯，下次可以再戰！
Post
