啡音棧 (Closed)

尋晚行行下旺角有點累, 想搵間cafe坐下, 同班朋友傾下計,抖一抖, 發覺有間新開的二樓cafe便上去坐下, 一入去, 發覺啡音棧唔似一般的二樓cafe o甘噪, 感覺好舒服, 燈光柔和. 有一棧波波燈, 好特別. 另外最好的是啡音棧冇煙味, 我本身唔食煙, 最怕去到煙霧彌漫的cafe. 不過我有兩個朋友都食煙, 啡音棧門口都有安排吸煙的地方俾佢地. 都好週到.我地order o左一個吞拿魚批, 一個日式咖喱豬排飯, 雞翼, 藍莓芝士蛋糕. 我自己order杯 Latte, 我D friend order 沙冰.Latte 咖啡好香, 班friend話沙冰甜度合適中, 杯士多啤利沙冰, 有士多啤利果茸, 好fresh.出乎意料之外, 個批又好好味, 個批底好脆, 豬排飯的黃金飯好特別, 同個咖喱汁好match, 芝士蛋糕唔係好甜, 合我口味.整體來說都唔錯, 值得再來!!!