Video
Read full review
2021-09-03
527 views
好耐無食泰菜啦錦田好似愈黎愈多泰菜，其實我真係好掛住果時住錦田既日子，可惜過去了。呢間泰菜門口都好有泰國風格，入面位置唔算大，但位置都坐得舒服，岩曬一大班人一齊食，仲聽到隔離好開心傾陳年舊事，開心既聚會一樣，老闆仲好好，最中意去呢啲有人情味又地道既餐廳。柚子蝦沙律 $88平時我好怕係出面食柚子沙律，因為好多時都好澀，但呢個唔澀之如做到有泰國味，唔好睇佢好辣、佢唔辣架。啲蝦仲要好多，又大粒。蛋包鮮蝦金邊粉 $98泰菜我次次都叫金邊粉，我真係好中意食金邊粉，好香好好食。佢除左有蝦仲有魷魚同青口，最緊要係份量好多。咖喱大蝦 $298真係大蝦呀，唔係急凍蝦，有蝦殼蝦膏果啲蝦呀，細佬平時唔食蝦既都食左好多隻。佢半甩殼，食得好方便，最緊要佢既咖喱唔辣架。無國界蒜茸包 $50呢樣都係我泰國必食，係蒜茸包呀。點咖喱定就咁食都咁好食，外脆內軟，好正，對上一次泰菜食呢種蒜茸包已經好耐啦，蒜蓉包呢種真係最好食，泰菜必食呀。益力多沙冰 $34好夠益力多味，好似飲緊大益力多咁。椰青 $38去泰國定食泰菜，人地飲珍多冰果啲，我就一定椰青，椰青真係無得輸，又可以食椰青肉。老闆仲好好請左我地食甜品，佢一定係知女人有兩
錦田好似愈黎愈多泰菜，其實我真係好掛住果時住錦田既日子，可惜過去了。
呢間泰菜門口都好有泰國風格，入面位置唔算大，但位置都坐得舒服，岩曬一大班人一齊食，仲聽到隔離好開心傾陳年舊事，開心既聚會一樣，老闆仲好好，最中意去呢啲有人情味又地道既餐廳。
柚子蝦沙律 $88
平時我好怕係出面食柚子沙律，因為好多時都好澀，但呢個唔澀之如做到有泰國味，唔好睇佢好辣、佢唔辣架。啲蝦仲要好多，又大粒。
蛋包鮮蝦金邊粉 $98
泰菜我次次都叫金邊粉，我真係好中意食金邊粉，好香好好食。佢除左有蝦仲有魷魚同青口，最緊要係份量好多。
咖喱大蝦 $298
真係大蝦呀，唔係急凍蝦，有蝦殼蝦膏果啲蝦呀，細佬平時唔食蝦既都食左好多隻。佢半甩殼，食得好方便，最緊要佢既咖喱唔辣架。
無國界蒜茸包 $50
呢樣都係我泰國必食，係蒜茸包呀。
點咖喱定就咁食都咁好食，外脆內軟，好正，對上一次泰菜食呢種蒜茸包已經好耐啦，蒜蓉包呢種真係最好食，泰菜必食呀。
益力多沙冰 $34
好夠益力多味，好似飲緊大益力多咁。
椰青 $38
去泰國定食泰菜，人地飲珍多冰果啲，我就一定椰青，椰青真係無得輸，又可以食椰青肉。
老闆仲好好請左我地食甜品，佢一定係知女人有兩個胃，幾飽都要食甜品🥰
佢個廁所好大，仲有位係入面可以坐，係咩事🤣🤣🤣🤣
Post
