Lucky Ristorante (Closed)

離開咗旺角返工之後，都好耐冇嚟食過，今日約朋友聚會，想搵個坐得舒服啲嘅地方，所以就決定返嚟呢間。我哋嚟嘅時候啱啱開門，所以可以坐到卡位，有太陽曬住，真係超級舒服。佢嘅lunch set相比起其他地方都比較豐富，有湯有沙律。重點係佢嘅頭盤一啲都唔馬虎，朋友揀咗煙三文魚凱撒沙律，我自己揀咗吉列炸蠔薯仔沙律，粒豪好肥美好Juicy，夠熱！主食方面，我哋都對西冷比較有興趣！見到朋友個意粉賣相好靚，佢話意粉彈牙，酸味味夠開胃。不過要留意嘅係，佢嘅牛扒煎得比較熟，所以叫五成就剛剛好喇！最後分享吓佢嘅嘢飲，加$15就可以飲其他咖啡或者朱古力，拉花睇得出好用心，啡同朱味都夠濃。咁就吹咗3個鐘頭水