Y Pasta

沙田大商場啲食肆好多都限時，好多時約朋友傾計 去到咁上下又被人趕 好唔盡興。呢度唔趕人 食物又高質，我成日約朋友都鍾意黎呢度。weekend都有brunch menu，有湯有個main再包埋飲品，幾豐富見唔貴，我同朋友加錢要咗個忌廉龍蝦湯同忌廉黑松露野菌湯，入口覺得無加錯，兩款湯都好濃好香， 不過建議飲咗龍蝦湯先， 黑松露味太搶同埋野菌湯比較鹹。龍蝦湯個味相較之下比較mild, 飲先會比較飲到龍蝦鮮味波士頓龍蝦忌廉濃汁扁意粉賣相好靚， 半邊龍蝦都有唔少膏 仲有多隻去咗殼嘅龍蝦鉗仔 另外個意粉汁食到有啲微辣，反而更加惹味開胃，好好嘅balance同龍蝦肉好襯 又有幾隻 蕃茄仔可以食到一半refresh味覺燒烤醬慢烤美國猪肋骨一落刀發現出奇地淋， 基本上輕輕一撥啲肉都會喺骨度甩出嚟 而且調味好足味雖然佢另外仲有一兜燒汁，但係我哋無點，本身都夠重口味了😂培茶栗子巴斯克芝士蛋糕上面嗰pek栗子蓉好好食！白色cream都好香，如果食完main都唔夠飽就要叫埋呢個，十級飽肚嘅巴斯克cheesecake🤣