Zakka (Closed)

今日（17-8-2019 Sat）晏晝同老公，爸爸朋友出銅鑼灣睇notebook，然後行埋街，行完搵個地方坐吓食吓，老公記得珠城大廈有好多食肆，於是走嚟睇吓，我哋見到呢間，我被佢嘅梳乎厘吸引，但睇價錢唔平，而行入去係好大間嘅大家樂，我唔想食紅豆冰，咁就呢間啦。我哋坐低，店員拎menu嚟時，都講聲出去買嘢食。我哋決定要兩杯$18.00嘅熱抹茶鮮奶，一杯$36.00嘅凍抹茶鮮奶，同甜品。1.熱抹茶鮮奶抹茶同奶味都有，茶味甘甘地，成杯唔太甜。2. 凍抹茶鮮奶老公飲嘅，由於我哋環保唔攞飲管飲，又冇長茶匙俾客人攞嚟用，我就只飲到上面嘅奶。3.$58.00半份窩夫紅莓雪糕窩夫熱騰騰卜卜脆，好味。雪糕係榛子味，味道唔太濃，紅莓雪到好冰凍，好刺激。4.$78.00嘅梳乎厘班戟牛乳雪糕呢個係耐少少至嚟，班戟鬆軟，蛋味好濃，同樣好味。雪糕係雲呢拿味。