Video
Read full review
2017-11-18
109 views
秋風起又係打邊爐時間，之前同朋友嚟尖咀都食開邊邊放題，今次呢位朋友喺加國返嚟香港放假，話冇食火鍋好耐，要我搵間高質嘅，「錢唔係問題」……。有你呢句就得啦，我揀左有邊邊打嘅輝哥私房菜，私房菜客人貴精不貴多，啱晒咁耐冇見，想靜靜地一邊烚一邊吹嘅我地。既然外國返嚟，一於揀返個chinese style鍋底。杏汁豬肺鍋$88 - 有少少奇怪，冇乜杏汁味咁，味道唔係我expect嗰隻杏汁豬肺湯味道，不過材料十足，有南北杏、豬肺、西洋菜，個鍋味道都唔錯嘅，亦唔會太濃味而搶咗食物味道。西洋菜夠多，可以慳返叫少碟菜。特級安格斯牛頸脊(大)$298 - 作為牛魔王嘅我地，呢碟就梗係必點啦，見到啲雪花紋就足以令我雙眼發光，望落真係好似成塊有花紋嘅紅色布咁。牛肉牛味好濃郁，好新鮮，當然唔少得滿口油香，大滿足~我朋友可能太耐冇食到咁靚嘅牛 (佢應該食牛扒多，但烚烚烚先原汁原味嘛)，食完一碟仲要encore，好啦，陪吓佢食多碟啦。手打芝士鮮蝦丸$78巨型蝦丸，每粒都大過一粒乒乓波。好多蝦丸入面都會加入大量肥豬肉充數，呢碟食唔出有肥豬肉，好似係全部都係蝦肉，鮮味足又彈牙。而且中間有芝士，好好食。新鮮脆肉鯇魚腩$6
既然外國返嚟，一於揀返個chinese style鍋底。杏汁豬肺鍋$88 - 有少少奇怪，冇乜杏汁味咁，味道唔係我expect嗰隻杏汁豬肺湯味道，不過材料十足，有南北杏、豬肺、西洋菜，個鍋味道都唔錯嘅，亦唔會太濃味而搶咗食物味道。西洋菜夠多，可以慳返叫少碟菜。
特級安格斯牛頸脊(大)$298 - 作為牛魔王嘅我地，呢碟就梗係必點啦，見到啲雪花紋就足以令我雙眼發光，望落真係好似成塊有花紋嘅紅色布咁。
牛肉牛味好濃郁，好新鮮，當然唔少得滿口油香，大滿足~我朋友可能太耐冇食到咁靚嘅牛 (佢應該食牛扒多，但烚烚烚先原汁原味嘛)，食完一碟仲要encore，好啦，陪吓佢食多碟啦。
手打芝士鮮蝦丸$78
巨型蝦丸，每粒都大過一粒乒乓波。好多蝦丸入面都會加入大量肥豬肉充數，呢碟食唔出有肥豬肉，好似係全部都係蝦肉，鮮味足又彈牙。而且中間有芝士，好好食。
新鮮脆肉鯇魚腩$68
切到好大片，好新鮮，超彈牙爽甜。
超甜粟米$38 - 食咁多肉，當然要食返啲纖維balance吓。粟米件切到細細舊，食都方便啲，味道真係好夠甜，又夠juicy。
西班牙黑豚肉$88 - 好多人打邊爐重點食牛，但其實豬肉打邊爐都唔錯。靚嘅豚肉，油脂分佈都幾均勻，食落口感都算嫩滑，肉味濃郁。切到大大塊，一啖一塊啱啱好，食落好有滿足感。
新鮮白鱔片$88 - 都算切得幾大塊，食落肉質又夠爽，充滿魚肉味。
特級一口牛柳粒$138 - 一口牛烚嗰陣比較難控制，因為中心較難熟，不過呢d靚牛，生少少都唔驚啦。每粒嘅脂肪比例都夠平衡，食落牛肉味配合油脂香，好鬼正。我朋友又「啪」咗好多粒。
食過幾間私房菜，每一間服務都好好，呢間都唔例外，細細間就有呢個好處，唔似啲火鍋店幾位伙記serve全場，伙記滿場跑之餘，客人要求服務又叫天不應咁。
另外，做得私房菜，當然有小菜小炒，朋友話下次返嚟要試吓，我就當然樂意奉陪。
Post
