飲嘢 (Closed)

星期六...一行五人四點鐘嚟呢度食個tea...夜晚再去大圍飲宴~五個人叫o左四杯飲品三個小食...o係度慢慢嘆o左成個鐘~ 我order o左杯 "符碌茶"~ 即係水果茶~ 好鐘佢夠晒大杯~ 而且好夠凍~ 同埋唔太甜~ 入面仲有d生果肉o係度tim~ 多又唔算好多...但係叫做有d o野o趙下~ 細妹o既烏龍茶我都飲o左一啖~ 淡淡地o既茶伴住面頭o既一層奶...入口味道又真係唔錯wor~而且...又係好大杯...飲晒杯茶都仲有一圈圈o既奶o係杯邊...啤酒以外另一種 "angel ring"? hahaha小食方面...我無食到水餃...食o左炸雞粒同一口腸~ 炸雞粒真係好脆好新鮮~ 熱辣辣...份量都唔少~ 一口腸...係台式香腸...我一口係真係食唔啦~ 不過佢煎到面頭脆脆地...唔錯~ 而且兩種小食都附有超多醬~ 唔駛就住就住點~ 呢度d位都好舒服~ 溫度又適中...兩個人仲可以坐bar檯望o下街~ 我見好多人都好悠閒o係度hea...最緊要係食物同飲品都唔錯~ 支持小店!!!