下江南

Open Now

Now Closed

到M+藝術館參觀之後想係西九文化區食啲野，就搵到呢間係故宮博物館入面嘅中餐廳。入到俾佢嘅室內設計吸引，餐廳裝潢係木系x中式風格，俾人感覺好舒適。同朋友望一望餐牌，大部分菜式都好吸引。最後嗌咗火薰玉蓮鴨子麵同雪菜大排麵。花雕醉雞+四喜烤夫+火薰玉蓮鴨子麵$178花雕醉雞鮮嫩入味，四喜烤夫食落有少少似鹵水豆腐。最最最令人驚喜嘅係鴨子麵，上面嘅乾蔥抄得好香，連湯入面都有香蔥味。鴨件好食，鍾意佢嘅手工麵，較軟身但唔淋。夫婦肺片+鹽水鴨+雪菜大排麵 $158鹽水鴨味道相對較清淡，比較健康。夫婦肺片麻辣味好香，但食落又唔太辣，適合平時食開小辣嘅朋友。另外大排面嘅湯底濃郁，鍾意佢香口嘅炸大牌肉，值得一試驢打滾由糯米同紅豆整成嘅甜品，食物有啲似紅豆煎餅，煙煙靭靭，有嚼口，值得一試。