龍門一番 上海·紫砂燉湯 (Closed)

今日做野之前就係附近食少少野先，見到龍門一番既LUNCH都幾抵食大概60幾蚊就有個套餐，仲包埋野飲添，咁我同朋友就每人叫左一個套餐另外我地仲散叫左個醉雞，個醉雞既肉質都幾滑，有少少酒香套餐仲可以用優惠價加配食品，我地就加左個小籠包個小籠包一咬開肉汁湧出黎，個皮都好薄套餐既飲品我地叫左一個紅豆薏米水同埋酸辣湯紅豆薏米水唔會好甜，仲有少少紅豆香之後就上主菜啦，我地叫左一個上海炒年糕個年糕好煙韌，岩哂我呢個煙韌控另一個就係椒鹽豬朳，炸得都幾香，D炸蒜好正最後我地仲加配左高力豆沙配雪糕暖笠笠既高力豆沙加上糖霜，另一邊就係凍冰冰既雪糕，上面仲有好多棉花糖真係最佳配搭