茶禪 (Closed)

先前朋友帶過來開會試過一次，野食唔錯，以cafe來講真係好有心。果晚食晚餐，佢有素/有肉，岩曬我地3個人，前菜可以轉湯，青紅蘿白，堅老火，冇味精(我一食味精會屙..)，主菜我要左個咖哩龍利，個咖哩好好味>o<!!!個薯仔超入味，我情願佢比多幾舊薯仔我唔少兩舊肉>w<!!!!之後飲野我要花茶，我都係頭一次去cafe係有得忝飲花茶(以前去果d係冇..或者有啦,但可能你唔問就=冇)，但呢度係主動加水比你。 之後我自己再約朋友來過兩次真係好正，好清悠，一個最大而且最好既賣點係佢真係禁煙！有次有條友上黎玩野，佢情願唔做佢生意！最討厭煙味，樓下果d話就話有吸/非吸煙區，但整果對爛鬼門又成日唔拉埋d煙味都係谷出黎，廢的！但呢度係0煙。老闆播既歌又幾有格調，人流唔算多，所以好岩傾計，我幫人塔羅詢解都係呢度。