King's & Queen's 冰室 (Closed)

今次黎到西沙隱世冰室，村屋下既餐廳空間寬闊，主要集中於露天位置，入面亦有少量座位，唔少特色中菜小炒選擇，cp值高好抵食，係舒服既天氣下同朋友揀左坐出邊食，別有一番風味😋🍃潮式炸蠔餅 $118 👍🏻👍🏻👍🏻👍🏻👍🏻即叫即炸上枱熱辣辣脆卜卜，食得出有鑊氣，蛋餅底好香，唔會用過多麵粉製作，而且非常足料，每一口都食到大大粒蠔，超級滿足，推介一定要試呀！🦪黑松露西芹炒蝦球 $108 👍🏻👍🏻👍🏻上碟已經聞到陣陣嘅黑松露味，喺出邊都好少見到呢個配搭，清新嘅西芹配上黑松露，食落驚喜地覺得好夾，珍寶size既蝦球爽口彈牙。🍤啫啫滑雞煲 $88 👍🏻👍🏻👍🏻👍🏻不得不讚雞件嫩滑，醬汁亦好入味，份量比出邊大份，估唔到仲有豬膶，煮得啱啱好唔會乾身，有少量嘅、紅椒、黃椒、洋蔥作配搭，口感豐富。🐣白菜仔炒鮮魷 $98 👍🏻👍🏻👍🏻👍🏻貌似平平無奇嘅小菜有驚喜，白菜仔做到掛汁，加上蒜蓉非常惹味，魷魚鮮味逼人，好有咬口，忍唔住一啖又一啖。🦑紅豆冰 $25 👍🏻👍🏻👍🏻椰汁味好重，紅豆口感綿密，略嫌太多冰，但真係好好味，最後叫咗兩杯。🫘