Niksen Koffie (Closed)

凍莫卡咖啡果然要叫凍飲，賣相特別好，底層係朱古力，中層牛奶，頂層濃縮咖啡，影好相再攪拌。唔止有賣相，味道都幾好喎，味道酸甘、含有朱古力嘅味道，飲落潤滑可口，入口脂感厚黏，有焦糖香。香煎紐西蘭肉眼扒配精選雜菜及法式芥末醬餐廳固定熟到係5分熟，唔會太多血，但同時都保持剛好嘅軟硬度。芥末醬係喺碟嘅底部抹咗一條橫線，除此仲有黑椒同海鹽係一邊，可以按自己需要調味。肉眼扒味道香濃，肥膏位置唔算多，整體均勻。日式和風章魚燒薄餅意外地薄餅係比較薄身同最後中間夾咗拉絲嘅芝士，上面鋪滿木魚絲，邊個配搭都幾有趣又好食。士多啤梨乳酪抹茶芭菲呢個Bu菲同市面嘅有啲唔同，去上面係多咗一個酥脆嘅拿破崙蛋糕，雪糕有兩球，士多啤梨甜嘅，入面仲有抹茶布甸同麻糬。