蔵鳶居酒屋

Open Now

Now Closed

男朋友搵到尖沙咀一間靜靜嘅日本餐廳，佢近 the one, 斜路行上少少，都要細心啲先搵到個門口，但就覺得環境幾好，坐得舒服😌炙燒帆立貝海膽壽司 $35三文魚腩壽司 $22炙燒蟹棒壽司 $12 先食少少壽司，整體都幾好食，即叫即整，而且我地坐係 bar 枱，可以睇到晒成個製作過程👍🏻明太子玉子燒 $48蛋好香好滑，明太子可以再多少少，而且份量得三片，感覺比較少。蒲燒鰻魚定食 $108鰻魚大大條，肉質幾好，不過飯就唔係好夠熱；份量很好，男仔食到夠晒飽肚 😎 而且每份定食都有碗茶碗蒸、前菜同沙律。牛肉湯稻庭烏冬定食 $88唔推介，湯底好淡味，烏冬正常，味道一般。清湯牛油野菌煮大蜆 $98份量都唔錯，蜆肉都新鮮；初時睇menu 圖片湯係黃色，以為牛油味會好多、好重，所以點嚟試吓，點知上枱就同清湯無咩分別，牛油味未見突出。