LOST STARS LIVEHOUSE BAR & EATERY (Moved) New Location

之前係大角咀港灣豪庭商埸睇完領養狗展，其後行經lost stars，見到餐廳門口寫每晚有唱歌表演巳經好吸引我了。早兩天心血來潮想起，就訂了枱來食dinner。進入餐廳巳感覺到好relax，燈光柔和，而且坐位寬敞，加上有一個大表演舞台，每個坐位都能欣賞歌手演出。坐下首先叫了杯啤酒及一杯mojito凍肉及芝士拼盤西班牙火腿，香濃鹹鮮味，食材高質，而西班牙辣肉腸夠油香，唔會乾珍珍，配芝士吃，是絕配食物。康堤芝士野菜沙律沙律夠新鮮，冰涼清爽。蝦蟹肉牛油果沙律墨西哥薄脆牛油果蟹蝦肉又滑又鮮，用墨西哥薄脆托底，薄脆少少辣，配搭得超好味。牛腹肉併墨西哥餅牛腹肉切得厚薄適中，肉質嫩冧。九龍城雞翼雞翼炸得金黃色，熱騰騰，外脆內嫩有肉汁。總括而言，各種食物都係用心製作，整餐飯加上餐廳live music 更是値滿分，而且歌手唱得超有水準，當晚唱了多首英文歌及自創歌曲，令人聽得陶醉，過了輕鬆寫意既一晚。