Video
Read full review
2019-04-13
533 views
去完批發中心係時候晚餐時間，一直往前行大概幾分鐘搵到間舒適嘅潮州菜。餐廳內座無虛席，好好彩等一陣就有位，仲安排咗卡位可以挨吓舒舒服服食餐飯， 員工全部都急急忙忙，絕不失服務態度， 每一個職員行埋嚟都會對友善地笑，無論落單、上菜、加水、或額外要求都笑容可掬。光猛整潔嘅環境，令你坐得好舒服，擺脫傳統潮州茶嘅環境。現場睇不乏穿套裝西裝嘅男女客人。公雞餐具套裝成功吸引了我的相機，見隔離枱嘅茶壺"舊款"勁"潮"嘅味道，我哋呢枱就普通白色茶壺一個，好想同隔離枱借嚟影合照。潮州嘅前菜咸酸菜花生，超喜歡邊食邊點菜，不消數分鐘快吃清光。餐牌翻幾頁就完，看似簡單暗藏美食，有圖有字啱曬我呢啲看圖識字嗌餸嘅人!呢晚病病地喉嚨唔舒服，但係食潮州嘢喎出名煎炸嘢，點都要同自己作對吓，點咗(辣)胡椒豬肚湯、(炸)普寧豆腐、(煎)香煎蠔仔洛，蠔仔泡粥(最正常)菜式排碟擺放相當有心思，擺到上枱上哇…完一聲，開始有啲驚， 除了對喉嚨不利之外，份量非常大碟，雖然好想點餐牌上其他食物，但要惜食，食完再考慮加單吧。點餸後熱辣辣嘅菜式好快就送到，絕對邊食邊傾好機會。😋胡椒豬肚湯恰好的胡椒味道不會太辣太搶喉，一勺盛起已見到豬肚，胡椒
光猛整潔嘅環境，令你坐得好舒服，擺脫傳統潮州茶嘅環境。現場睇不乏穿套裝西裝嘅男女客人。
公雞餐具套裝成功吸引了我的相機，見隔離枱嘅茶壺"舊款"勁"潮"嘅味道，我哋呢枱就普通白色茶壺一個，好想同隔離枱借嚟影合照。
潮州嘅前菜咸酸菜花生，超喜歡邊食邊點菜，不消數分鐘快吃清光。
餐牌翻幾頁就完，看似簡單暗藏美食，有圖有字啱曬我呢啲看圖識字嗌餸嘅人!
呢晚病病地喉嚨唔舒服，但係食潮州嘢喎出名煎炸嘢，點都要同自己作對吓，點咗(辣)胡椒豬肚湯、(炸)普寧豆腐、(煎)香煎蠔仔洛，蠔仔泡粥(最正常)
菜式排碟擺放相當有心思，擺到上枱上哇…完一聲，開始有啲驚， 除了對喉嚨不利之外，份量非常大碟，雖然好想點餐牌上其他食物，但要惜食，食完再考慮加單吧。
點餸後熱辣辣嘅菜式好快就送到，絕對邊食邊傾好機會。
😋胡椒豬肚湯
恰好的胡椒味道不會太辣太搶喉，一勺盛起已見到豬肚，胡椒豬肚湯最喜歡把渣一起吃，豬肚有厚度兼爽口，粒粒胡椒粒絕無偷工減料。
😋普寧豆腐
真係哇一聲，角切整齊排成一個圈圍伴著醬汁。
離遠影感受到嗰種熱力 ， 黃金色三角形 ，薄酥脆包住滑溜豆腐，超香豆味，一啲都唔油膩。
個人口味唔點中間嘅醬料都已經好好食。
😋香煎蠔仔洛
煎，係煎，充滿蛋香口感酥脆中帶軟，干爭爭。
重重蛋漿夾住一粒粒蠔仔，蠔仔咬落去唔多覺，但會食到好重嘅新鮮蠔味。
😋蠔仔泡粥
蠔仔多，飯嘅比例都好多夠曬飽，食完後淨低嘅飯都有成碗，就算無湯就咁食飯都非常棒，蠔香粒粒滑肉碎爆花米浸入曬所有食材嘅味道。
枱面有個圓形調味架，
擺著辣椒油、菜甫、糖、胡椒粉。揀咗平平無奇嘅菜脯撈入泡粥，呢個樣原來係辣嘅， 加入蠔仔粥入面另一番味道口感，愛辣支持者記得落喇!
辣椒油我都無錯過，真係辣㗎，唔係得個樣同色澤。
肚子實在填得太滿，今餐真係錯過了甜品，已經決定預訂普寧豆醬鴨，下次約多啲飯腳再食過。
總結以平均食物質素、環境、服務質素，價格完全對得上。
提提你，怕人多等位可以考慮訂座喔！
Post
