浪．居酒屋 (Closed)

平時喺銅鑼灣食飯都成日鍾意搵啲新餐廳試吓，今次就去咗一間新嘅日式居酒屋食飯，因為佢係新開嘅而且都幾好味都超級full，好在一早同朋友訂咗位！我哋今次叫咗海鰻魚天婦羅、火灸蔥吞魚腩配日本蛋黃、茶漬飯配梅子、燒日本阿波羅雞髀肉、燒雞皮、炸芝士、燒芝士魚餅同埋nami壽司！去居酒屋一定會試佢哋唔同嘅串燒，自己本身就好鍾意食燒雞皮同埋燒雞髀肉，今次試咗佢哋嘅串燒都覺得燒到啱啱好，調味得非常夠！燒雞皮嘅色澤都非常光亮，咬起上嚟都非常Juice。雞俾肉肉質都好夠滑，燒完之後都仲係嫩口的唔會好乾！除咗串燒佢哋其他嘢食都好滿意，例如過海鰻天婦羅，佢哋嘅天婦羅炸粉不會太厚，但係鰻魚入面就煮到剛剛好好滑，而且非常入味！佢哋好招牌嘅Nami壽司就係鮮蝦、蟹子同埋海膽，真係一啖可以食到三款唔同口感同埋味道！印象非常深刻值得一試。居酒屋嘅環境都非常舒適，同朋友之間食飯飲番一杯酒傾偈都好啱。