Cambo ขุนทอง (The ONE)

Open Now

Now Closed

通常黎到尖沙咀呢啲遊客購物區，就算喺平日夜晚都幾難搵到一間坐得舒服又唔算貴既餐廳。今日同女朋友又行街行到大家都腳痛，就去左the one上面既，今次已經係第三次黎，餐廳整體感覺依舊清靜，最適合情侶或三五知己聚首一堂。因為食完下午茶冇幾耐，大家都唔算肚餓，就叫左兩樣野食。第一樣係青咖哩牛腩煲配法包，另加一碗白飯。呢一個煲係每次黎必點既鐵膽，牛腩由拎出黎已經幾林，加上之後下面一直有個爐加熱，食落去口感一流。而個青咖喱亦做得好好，味道清香獨特，少辣，和法包完美配答，值得一試。另外一樣係泰式豬頸肉乾炒河，呢樣係第一次叫，諗住廢事次次都食泰式炒粉。點知出個黎同想像中有些出入，賣相十分普通，略咸。但河粉不會太油，豬勁肉份量算不少。