Hatsu Japanese Restaurant (Closed)

今日要去某律師樓處理一啲文件，搞咗成個上晝。中午食飯時間，成個中環都好多人，IFC, 香港站食肆無位，甚至連地鐵站內立食嘅上班族都多到一個點！為咗醫肚，行出少少去美國銀行中心果邊揾食。嚟到見到兩間快餐店都好多人，反而日本餐廳唔駛等位，心諗唔通好貴？！睇一睇餐牌，大約$150-$180一個lunch set, 包埋Salad bar buffet，尚可接受，一於入去試試。入到去被安排坐窗邊位置，餐廳面積唔算大，但枱嘅擺位保持合適嘅距離，有一定私穩度，而且俾人感覺好舒服。裝修以黑色、木色為主，型格中保留傳統日式風格。叫咗一個天婦羅魚同漢堡扒lunch set, 套餐包自助salad bar, 茶碗蒸，味噌湯，仲有個白飯。落單後出去自助salad bar 望下。選擇唔係話好多，但都好健康，以新鮮蔬菜為主，例如：生菜，車厘茄，青紅椒，粟米，青豆等，dressing 都有5款，我隨意地樣樣都夾少少，加少少咁。呢頭沙律都未食完，個lunch set 就已經上枱，果真係中環精神，乜都快過人。係嘅，隔離枱隨時坐咗個銀行家，人家秒秒鐘幾百萬上落作為蛋控，我先由茶碗蒸食起。熱辣辣嘅蒸蛋，蛋味唔算太濃但入口