Video
Read full review
2022-04-19
3597 views
係openrice search KT有咩食，無意中見到呢間餐廳，評價唔錯，幾靚又唔算貴，仲有得係openrice訂座，於是即刻訂座試下。因為係星期日去食，好驚要排隊，係工廈入面排隊好辛苦又熱又冇野行。今次係食之前兩日bk。去到，首先工廠大廈樓下要登記，要出示有相證明文件登記，有點麻煩。搭lift上到14樓，要再行一層上15樓呢間餐廳。去到係11:55，仲未開門，寫住準備中，好擔心會唔會係紅日唔開。最後係好準時，真係1200先開門，有店員走出嚟叫大家排隊入去，估唔到竟然都有成十個人等開門。有一家人冇訂位冇得入，店員要2pm後。的確店內座位不算多，十枱人左右，間隔舒適，坐得舒服，用餐時間90分鐘。座位冇得揀，等職員安排比你。主打hamster，門口一堆公仔，某d座位有隻公仔，唔會枱枱有，不過我自己本身對hamster冇興趣所以冇所謂。今日係星期日，所以冇lunch set，食weekend brunch，晏d下午時段照有假日下午茶。但a la carte menu就冇，佢話要晚餐先有，所以想叫d小食/叫其他主菜都唔得，只可以叫weekend brunch menu。一坐低，店員就同我哋同
去到，首先工廠大廈樓下要登記，要出示有相證明文件登記，有點麻煩。搭lift上到14樓，要再行一層上15樓呢間餐廳。
去到係11:55，仲未開門，寫住準備中，好擔心會唔會係紅日唔開。最後係好準時，真係1200先開門，有店員走出嚟叫大家排隊入去，估唔到竟然都有成十個人等開門。
有一家人冇訂位冇得入，店員要2pm後。
的確店內座位不算多，十枱人左右，間隔舒適，坐得舒服，用餐時間90分鐘。
座位冇得揀，等職員安排比你。
主打hamster，門口一堆公仔，某d座位有隻公仔，唔會枱枱有，不過我自己本身對hamster冇興趣所以冇所謂。
今日係星期日，所以冇lunch set，食weekend brunch，晏d下午時段照有假日下午茶。
但a la carte menu就冇，佢話要晚餐先有，所以想叫d小食/叫其他主菜都唔得，只可以叫weekend brunch menu。
一坐低，店員就同我哋同隔離個枱講，話冇蒲燒潮鯛魚腩，好失望因為最想試呢個！佢話冇貨番，好，冇得食都唔緊要，點知之後入座個兩枱又有得食，兩枱上菜個陣店員都話係燒鯛魚腩。即刻心諗，點解人哋又有得食？唔通bk位個陣bk埋個鯛魚腩？但之後幾枱都有得食喎，即刻好無奈。
我哋就叫左唐揚南蠻雞定食同和風全朝食。
南蠻雞定食
有前菜、湯，飲品包普通熱飲，凍飲加錢，特飲半價
前菜麻醬豆腐不錯，豆腐好滑，麻醬好香
湯係昆布蛋花湯個款，比麵豉湯好，清清地。
炸雞好大件，有6舊，配他他醬。
個他他醬好好味，好夾炸雞，有d沙律蛋碎係入面，幾好食。
炸雞好大件，但一d都唔厚粉，冇油益味，一個人食6件都唔覺得滯/溜。
而且炸得好脆，食之前影相可能都影左十分鐘，但都仲係好脆。
食炸雞最擔心炸粉厚、唔夠脆、雞有雪味、雞肉有筋、太油太膩，呢度以上嘅問題都冇，個炸雞好好食。
和風全朝食
叫做比洋風特別少少，各樣食物都唔錯
玉子燒幾香，菇有黑松露味但適中唔會太勁，薯餅熱辣辣外脆內軟，飯團幾夠味，鯖魚尾不太多骨而且煎得香脆，蕃茄幾新鮮上面仲有羅勒，粟米叫做麵豉粟米但冇乜味
半價加特飲
白桃梳打，比較淡冇乜味
草莓smoothie，比較甜，唔太士多啤梨味
96 views
0 likes
0 comments
總結環境舒服坐得舒適，食物唔錯，尤其係個炸雞非常出色，但冇得食鯛魚腩呢件事始終令我非常不解。
Post
