Tom N Toms Coffee (Closed)

11點未夠行經新城市，見到一個門外仍然有花牌既cafe仔，咁就心思思決定要試下新野啦!因為附近食午市既餐廳都未開門 舖面細細，但裝修都大致精緻，感覺舒服!坐位大約只有十餘個，其他位置就係店員既工作枱同蛋糕櫃啦。叫左個墨西哥雞肉薄餅同蜂蜜芝士吐司，分別都加左錢用套餐價配兩杯熱飲。上菜時間以即叫即做黎講算幾快，唔洗等太耐。先上左墨西哥雞肉薄餅，大小適中，2個女生啱啱好。薄餅上怖滿芝士同香草碎，但略嫌主菜-雞肉偏少。如果雞肉份量稍為多少少就更滿足啦。因為而家個感覺似係芝士粟米薄餅多啲，不過值得一讚既係餅底焗得剛好，微微焦，入口香脆，一啲都唔膩。之後上菜既就係蜂蜜芝士吐司，蜜糖味很香，再加上吐司一早已經切去包邊，未食已經加左分。將吐司切開時夾層既芝士造到好似pizza甘有拉絲既效果，而且吐司好脆身，味道食落甜甜咸咸幾得意。不過蜜糖太甜，芝士的味道有少少被蓋過既感覺。只於兩杯熱飲，cappuccino 同柚子茶就中規中矩啦。