十八夢

今日去到呢間主打唔同主題表演嘅餐廳 位於銅鑼灣嘅Meta Stages 十八夢Dinner鵝肝多士伴紅酒梨 - 鵝肝煎香咗兩邊好甘香 配埋多士食就冇咁油膩 紅酒梨汁酸酸甜甜更加去戒膩香煎北海道帆立貝配米形粉龍蝦汁 - 北海道帆立貝兩邊煎香 大大隻唔會過熟 保持到鮮嫩鮮甜 龍蝦汁米形粉煮完仲好有咬口 煙煙靭靭 而且個汁好濃郁另外叫咗杯餐酒 La Catrina Moscato 係偏甜嘅香檳酒 好易入口 幾適合女仔飲除咗食物 呢度另一個賣點係食環境 每日都有唔同主題嘅表演 當日駐場歌手有@ripetie 除咗唱英文歌之外亦會唱廣東流行歌 歌手把聲好入咪好舒服 仲聽到我最鍾意嘅MC張天賦既歌添 加上呢度音響幾好 另外呢到2月14日晚上會開始公演5D沉浸式歌舞劇表演 係由詹瑞文監製同主演既舞台劇 每位1680 + 10%已經包埋入場費 可以一邊食嘢一邊欣賞舞台劇 應該會有另一種享受