Video
Read full review
2021-12-01
2820 views
信記避風塘海鮮美食🍽🚤今次到我威，我今次帶我班老友記去試新嘢。呢間好特別，係首先要坐架細艇仔，載我哋去架大船到食嘢👀👀咁佢係有唔同人數嘅set揀，咁我哋5個人，份量同款式都相當多😎🏆🏆🏆🏆 避風塘炒肉蟹 + 招牌蟹油炒麵啖啖肉，佢嘅蟹鉗位，本身都開哂，用個鉗再壓一壓就碎開👍🏻我覺得佢哋個避風塘碎碎爆得好香，肉蟹勁入味！之後佢個個蟹油炒麵，就咁食都好正👍🏻姨姨仲教我哋用避風塘碎碎配呢個麵，係仲好食😎「教大家一個食海鮮食法，朋友表示，將個蟹肉再掂少少豉油，係令到隻蟹更加好食，呢個係真😎」🏆🏆🏆🏆香炸花姿腐皮卷呢個真係有驚喜！雖然我影得有d衰，佢放落嚟個下，我都心入面Er咗陣...但我食咗一嚿，真心好味。因為本身呢個係set入面唔包，係姨姨主動問我哋試唔試下，點知一試，真心好好食。佢個皮炸得好脆，入面係好彈牙，係蝦餅嚟。呢個真係要叫！！🏆🏆🏆 白勺基圍蝦可能你心諗，白勺你都講？但我想講！之前我同屋企人去流浮山食海鮮，食過基圍蝦，真係又細又唔係特別大隻（帶番頭盔先，可能咁岩我個次水準唔好），但今次我想講，勁大隻，隻隻都啖啖肉，唔係個d死蝦，無梅肉👍🏻👍🏻👍🏻坦白講，食嘢如果太多味精，係食唔到間
今次到我威，我今次帶我班老友記去試新嘢。呢間好特別，係首先要坐架細艇仔，載我哋去架大船到食嘢👀👀咁佢係有唔同人數嘅set揀，咁我哋5個人，份量同款式都相當多😎
🏆🏆🏆🏆 避風塘炒肉蟹 + 招牌蟹油炒麵
啖啖肉，佢嘅蟹鉗位，本身都開哂，用個鉗再壓一壓就碎開👍🏻我覺得佢哋個避風塘碎碎爆得好香，肉蟹勁入味！之後佢個個蟹油炒麵，就咁食都好正👍🏻姨姨仲教我哋用避風塘碎碎配呢個麵，係仲好食😎
「教大家一個食海鮮食法，朋友表示，將個蟹肉再掂少少豉油，係令到隻蟹更加好食，呢個係真😎」
🏆🏆🏆🏆香炸花姿腐皮卷
呢個真係有驚喜！雖然我影得有d衰，佢放落嚟個下，我都心入面Er咗陣...但我食咗一嚿，真心好味。因為本身呢個係set入面唔包，係姨姨主動問我哋試唔試下，點知一試，真心好好食。佢個皮炸得好脆，入面係好彈牙，係蝦餅嚟。呢個真係要叫！！
🏆🏆🏆 白勺基圍蝦
可能你心諗，白勺你都講？但我想講！之前我同屋企人去流浮山食海鮮，食過基圍蝦，真係又細又唔係特別大隻（帶番頭盔先，可能咁岩我個次水準唔好），但今次我想講，勁大隻，隻隻都啖啖肉，唔係個d死蝦，無梅肉👍🏻👍🏻👍🏻坦白講，食嘢如果太多味精，係食唔到間嘢有冇料，相反愈簡單嘅嘢，愈難做到。都試過好多出面嘅海鮮，好多白勺蝦都會撈埋d梅蝦落去買，但呢間，我同朋友咁好彩都無事啦下（帶頭盔）
🏆🏆🏆 蒜蓉蒸聖子王
呢個又係高水準。足料蒜蓉、勁多粉絲，大大隻聖子。一啖入口，係滿足感。
🏆🏆🏆秘製手撕雞
呢碟手撕雞，可能你哋會覺得白雪雪、但我想講，佢無辣係到！但一D雪藏味都無！可能你哋會話「某某手撕雞專門店都有得食啦」但我話你知，你試下叫佢哋嘅原味、唔要辣。佢哋個陣雪藏味真係搞唔掂！但呢間，佢一d辣都無。但佢仍然好好食。有料呢隻雞😎
🏆🏆🏆避風塘豉椒炒蜆
粒粒蜆肉！係粒粒！都係無沙！同埋係開哂口！呢個係最值得一讚！試過出面食，唔係未吐沙，就未開口.....但呢個我覺得辣咗少少🥲🥲不過又辣得好過癮，雖然佢細粒，但隻隻都係有肉痴住個殼，唔會係個d呃人放假殼既鋪頭😂👀
其實呢間信記我係睇完一個YouTuber寵女友系列，所以去試😂😂😂😂但的確係好食😋我覺我價錢係食海鮮嚟講唔算差真係😍仲要講緊個環境舒服，我係有少少潔癖嘅人，但我都覺得算係咁，起碼地下無牙籤呀、蝦殼呀呢d，乾淨地板👍🏻姨姨都好fun、會同我哋玩，講下笑。呢d就真係食到人情味👀
🚤信記避風塘海鮮美食 (銅鑼灣)
銅鑼灣銅鑼灣避風塘賣水站碼頭
味道：4/5
環境 : 4/5
服務：5/5
衛生：5/5
價錢：4/5
Post