Video
Read full review
2018-07-12
1279 views
有次跟屋企人上船玩，上咗世界夢號郵輪玩3日2夜。困喺船要解決5餐，心諗死啦，實好似坐監咁冇啖好食。點知有驚喜！去到有間專食東南亞美食嘅餐廳，主廚全為東南亞人，心諗應該比香港一般星馬泰餐廳好食。我自己叫咗馬拉馳名肉骨茶，屋企人叫咗海南雞飯同蝦麵，全部都係地道美食。首先講下肉骨茶，賣相好好，同我曾經喺馬來西亞食嘅配料一樣，相當正宗，個茶味道極濃，絕無欺場！從來冇試過喺香港試過呢隻味道，又有脆卜卜油炸鬼，真係唔講得笑！另外一餐我都叫咗海南雞飯，比起香港一般食店好，就係叫雞脾唔使加錢，隻雞好滑，調味料亦好足，個油飯好香，有新加坡8成水準！至於蝦麵，亦係以味道香濃取勝。啖啖湯都有鮮蝦味，份量又多，肯定係香港境內最佳水準！除咗一般奶茶咖啡，我更加推介呢度嘅東南亞特飲，尤其係牛油果特飲同薄荷檸檬梳打，配落香濃嘅東南亞美食簡直絕配！
點知有驚喜！去到有間專食東南亞美食嘅餐廳，主廚全為東南亞人，心諗應該比香港一般星馬泰餐廳好食。我自己叫咗馬拉馳名肉骨茶，屋企人叫咗海南雞飯同蝦麵，全部都係地道美食。
首先講下肉骨茶，賣相好好，同我曾經喺馬來西亞食嘅配料一樣，相當正宗，個茶味道極濃，絕無欺場！從來冇試過喺香港試過呢隻味道，又有脆卜卜油炸鬼，真係唔講得笑！
另外一餐我都叫咗海南雞飯，比起香港一般食店好，就係叫雞脾唔使加錢，隻雞好滑，調味料亦好足，個油飯好香，有新加坡8成水準！
至於蝦麵，亦係以味道香濃取勝。啖啖湯都有鮮蝦味，份量又多，肯定係香港境內最佳水準！
除咗一般奶茶咖啡，我更加推介呢度嘅東南亞特飲，尤其係牛油果特飲同薄荷檸檬梳打，配落香濃嘅東南亞美食簡直絕配！
Post
