九泰 泰式燒烤火鍋 (Closed)

九龍城係泰菜木人巷，要打出就一頭定要夠扎實，有拳有腳，精通武藝。言歸正傳，［九泰］新開業，主打係泰國蒙式火煱，但未有機會幫襯，搵日去試。今日下午行過此店，去食個快閃午餐，叫了船河，冇乜期待。快閃當然係快。碗河粉（其實係茨粉）來到，夠熱，必須的。粉 通透煙韌彈牙，湯 濃郁夠味但不做作，加d泰國粉麵調味四寶，帶出了地道泰國湯底味加回憶。食材 配料十足，有泰北搾豬皮係驚喜，細細粒魚蛋仔食完比個讚，豬肝瘦肉肉料新鮮，要好好堅持。埋單48財，有包嘢飲，唔加一。出門口 老板笑騎騎話多謝曬，我做客人就有禮貌地話唔該曬。原來大家都要曬。做人其實簡簡單單咪好囉。