船皇 (大埔超級城) (Closed)

𖦹 船皇船麵 / 撈麵 餐 $78 呢度嘅招牌船麵亦有牛腩、牛肉片、牛肉丸、雞絲、雞翼、豬肉、豬肉丸同豬潤多種配料，非常豐富，其中以牛腩最為出色，其貌不揚成舊黑色嘢但超腍超入味。湯底充滿濃郁嘅牛肉香氣，加上可以自己揀辣度，連麵底都有金邊粉、蛋麵、河粉、米粉四款選擇。金邊粉索滿湯汁，很美味，個人鐘意船麵多過撈麵，無咁乾。𖦹 泰式炸春卷 網狀嘅脆餅包住原條炸蝦，脆卜卜，充滿泰式風味。𖦹 泰妹雞翼 單骨雞翼食起上嚟好方便，啲肉都算juicy。𖦹 青檸梳打/ 柚子檸檬梳打 ＋$8 兩杯特飲都係用泰國嘅銀色碗嚟裝住，得意又有特色，清新消暑。