泰麵膳 (Closed)

香港最近開咗好多間泰國船麵，以前喺九龍城先會搵到比較傳統嘅麵。喺尖沙咀嘅呢一間，位置唔錯但係門面唔算特別大。午餐時間都有位置唔錯唔係好洗等。碗麵都算係大碗，喺香港魚蛋粉嘅size.湯底唔算係好濃好鹹個隻，都算香但係就一定唔係泰國最正宗嘅味道可以唔夠香料。個湯底飲有texture 似有落豬血。其實我就覺得船麵配安格斯牛肉係有啲唔夾架不過佢為咗迎合香港人嘅口味。牛丸牛肉味幾重，夠彈牙幾好味。牛肋條就反而有啲太韌啦。經過尖沙嘴唔知食咩可以食，不過佢鋪仔細細食完就好走，唔好阻人返枱。