船皇 (謝斐道) (Closed)

近排 泰國船麵真係開到成行成市, 喺銅鑼灣都有開咗兩三間, 今日就去完世貿, 在對面就食咗個 船麵, 個價錢都不貴, 一個66蚊嘅船麵, 大大碗 餸料包羅萬有, 我選咗蛋麵再加少少辣, 夠曬惹 味, 餸嘅份量都唔少, 有牛腩, 牛肉片, 牛丸, 雞絲, 雞翼, 豬肉, 豬肉丸等等湯頭非常鮮甜,真係飲完都唔覺有味精, 佢嘅份量同一般嘅船麵嘅分別,就係比較大份 另外再叫咗個串燒, 係泰式牛肉丸子, 咬落去比一般牛丸更加彈牙, 配上醬汁, 嗰個香味好濃, 好吸引,之後再食埋個泰式炸蝦卷, 炸到金黃色, 外面非常鬆化, 裏面嘅蝦非常之彈牙, 又唔覺得油膩, 點 埋甜酸醬嚟食, 非常滋味